Дилявер Чабанов - Сонъсуз / Soñsuz | Текст песни и Перевод на русский

• Тексты песен
• Дилявер Чабанов
• Сонъсуз / Soñsuz

Мен сени севем
Ве кене севеджем, -
Бу сёзлерни
Манъа бир кунь айттынъ.
Эки къанат
Котерди мени.

Эзгиси сонъсуз
Севги йырнынъ -
Айдын юзюнъ, элинъ,
Козьлеринънинъ нуры,
Адымларынъ,
Сесинъ эм де сёзлеринъ.

Къарарсыз севги
Эксильмейджек
Юрегимде, битмез.
Сени севмек ичюн
Яшайым мен.
Сени мен терк этмем.
Янарым ве сёнмем.

Узакъта олсам биле,
Северим,
Месафе, йыллар
Олурмы маниа
Бизлер ичюн?!
Севгимиз сонъсуз,
Кучьлю!

Мен сени севем
Ве даим севеджем.
Кедеринъни
Манъа афу эттинъ.
Эбедийлик
Сырыны ачтынъ.

Къарарсыз севги
Эксильмейджек. Сонъсуз
Охшав, сонъсуз
Шефкъат. О - делилик.
Буз ве алев.
Бу - элемли шадлыкъ.

Даркъалыр думан,
Кунь шавлесин сепер.
Къальбим янса,
Сен – дердиме дерман.
Севги Енер,
О, ёкълукъны Енер!
О, коклерден энер.

Мен эмИнЫм, тек
Севги ичюн дюнья,
Алем мевджут.
Эр нефесим олур
Сенинъ адынъ.
Эр адым
Ве эр умют.

Даима.

Men seni sevem
Ve kene sevecem, -
Bu sözlerni
Maña bir kün ayttıñ.
Eki qanat
Köterdi meni.

Ezgisi soñsuz
Sevgi yırnıñ -
Aydın yüzüñ, eliñ,
Közleriñniñ nurı,
Adımlarıñ,
Sesiñ em de sözleriñ.

Qararsız sevgi
Eksilmeycek
Yüregimde, bitmez.
Seni sevmek içün
Yaşayım men.
Seni men terk etmem.
Yanarım ve sönmem.

Uzaqta olsam bile,
Severim,
Mesafe, yıllar
Olurmı mania
Bizler içün?!
Sevgimiz soñsuz,
Küçlü!

Men seni sevem
Ve daim sevecem.
Kederiñni
Maña afu ettiñ.
Ebediylik
Sırını açtıñ.

Qararsız sevgi
Eksilmeycek. Soñsuz
Ohşav, soñsuz
Şefqat. O - delilik.
Buz ve alev.
Bu - elemli şadlıq.

Darqalır duman,
Kün şavlesin seper.
Qalbim yansa,
Sen – derdime derman.
Sevgi yener,
O, yoqluqnı yener!
O, köklerden ener.

Men eminım, tek
Sevgi içün dünya,
Alem mevcut.
Er nefesim olur
Seniñ adıñ.
Er adım
Ve er ümüt.

Daima.

Söz.: Maye Safet

Дилявер Чабанов еще тексты

Перевод Translate.vc