Исмаил Семенов (Джырчы Сымайыл) - Минги Тау (Эльбрус) (отрывок 1) | Текст песни

• Тексты песен
• Исмаил Семенов (Джырчы Сымайыл)
• Минги Тау (Эльбрус) (отрывок 1)

Музыка и стихи Исмаила Семенова (Джырчы Сымайыла) (1891-1981).

Эжиу:
Орайда, орайда, райда,
Орайда, райда, орайда.
Орайда, орайда, райда,
Орайда, райда, орайда.

Сен кёкге джете, мийиксе
Ууакъ (Кавказ) тауланы ичинде.
Мияла кибик, джылтырай,
Къанга бузларынг юсюнгде.

Юсюнгде барды акъ тонунг,
Сен джай да, къыш да киесе.
Кюн бузулургъа тебресе,
Боран этерге сюесе.

Кюн ариу, чууакъ тургъанлай,
Тохтамайды боранынг.
Джай да, къыш да кетмейле
Юсюнгдеги бузларынг...


Тёгерегинги тогъай отлайла
Алтын мюйюзлю кийикле.
Сени башынга чыкъгъанла -
Бёгекле бла джигитле...

Сен джулдузлагьа джанаша,
Къалгъанла сенден алаша.
Бир-биригизге къараша,
Къалай сейирсиз, тамаша,

Минги Тау бла Казбек тау -
Араларында джибек ау...
Сен кийиз бёркню агъарта,
Этегинг джашил къатапа.

Сенден сора къайсы тауду
Белине гюрен тартылгъан,
Башына байракъ тагъылгъан,
Сау дуниягъа айтылгъан?..

Москвадан курсауайла
Келиб сейирге къарайла.
Къайнаб чыкъгъан гара сууларынг
Ауругъанлагъа джарайла...

Исмаил Семенов (Джырчы Сымайыл) еще тексты