Diabolus in Musica - Jérusalem se plaint (Huon de St. Quentin) | Текст песни

• Тексты песен
• Diabolus in Musica
• Jérusalem se plaint (Huon de St. Quentin)

Jerusalem se plaint et li pais
U dame l'Diex sousfri mort doucement
Que deça mer a poi de ses amis
Ki de son cors li facent mais nient.
S'il sovenist cascun del jugement
Et del saint liu u il sousfri torment
Quant il pardon fist de sa mort Longis,
Le descroisier fesissent mout envis;
Car ki pour Dieu prent le crois purement,
Il le renie au jor que il le rent,
Et com Judas faura a paradis.
Nostre pastour gardent mal leur berbis,
Quant pour deniers cascuns al leu les vent;
Mais ke pechiés les a si tous souspris
K'il ont mis Dieu en oubli pour l'argent
Que devenront li riche garniment
K'il aquierent assés vilainement
Des faus loiers k'il ont des croisiés pris?
Sachiés de voir k'il en seront repris,
Se loiautés et Dius et fois ne ment.
Retolu ont et Achre et Belleem
Ce que cascuns avoit a Diu pramis.
Ki osera jamais, en nul sermon
De Dieu parler, en place n'en moustier,
Ne anoncier ne bien fait ne pardon,
S'il fait jamais sans don ou sans denier
Chose qui puist Nostre Signeur aidier
A la terre conquerre et gaaignier
U de son sang paia no raençon?
Seigneur prelat, ce n'est ne bel ne bon
Ki si secors faites tant detriier;
Vos avés fait, ce poet on tesmoignier,
De Deu Rolant et de vos Guenelon.
En celui n'a mesure ne raison
Kil se counoist s'il vai a vengier
Ceule ki pour Dieu sont dela en prison
Et pour oster lor ames de dangier.
Puis c'on muert ci, on ne doit resoignier
Paine n'anui, honte ne destorbier.
Pour Dieu est tout quan c'on fait en son non,
Ki en rendra cascun tel guerredon
Que cuers d'ome nel poroit esprisier;
Car paradis en ara de loier,
N'ainc pour si peu n'ot nus si riche don.

Diabolus in Musica еще тексты