Santtu Karhu & Talvisovat - Regipajo | Текст песни

• Тексты песен
• Santtu Karhu & Talvisovat
• Regipajo

Minä val'l'astan tulizen hevon koivuzen korjazen edeh Jovvun unohtamah meän vevon, hevon ragaičen armahalluo

Pajuo jorkotan udžvazeh meččäh, korbi kajahtah loittozel torvel
Ajan päiväzeh päi ozan eččoh, hebuo ragaičen armahalluo

Kuulen loittonsah, kohizou koski, hevon val'l'ahis valuu jo vaski
Tinagi rinnuksis tippuu, konzu ohjuan armahalluo

Hei, hei, hei, hei heboine on kirkei
Hai, hai, hai, hai jouksou naimolah päi

Korjan jallakset radzistah pellol, bavvuttau kirikön kello
Kuldoin kodih jo lähembi rodih, hebuo ragaičen armahalluo

Minä lasketan tulizen hevon, konzu taivahal sytytäh tiähtet
Sulil sanoilgo vastuat vai lähtet pagoh paremban sulhazen luo

Agu minule mučoikse tullet valgiekse vastinehekse
Kučun kanazekse kuldazekse, yskäs kerras jo miehoilah tuon

Hei, hei, hei, hei heboine on kirkei
Hai, hai, hai, hai jouksou naimolah päi



Santtu Karhu & Talvisovat еще тексты