06.Праздничный хор Свято Елисаветинского монастыря - Яко по суху пешешествовав Израиль | Текст песни

• Тексты песен
• 06.Праздничный хор Свято Елисаветинского монастыря
• Яко по суху пешешествовав Израиль

Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Слава Тебе Боже наш, слава Тебе!

Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Слава Тебе Боже наш, слава Тебе!

Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.

Слава Тебе Боже наш, слава Тебе!

Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Слава Тебе Боже наш, слава Тебе!

Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Слава Тебе Боже наш, слава Тебе!

Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.

Слава Тебе Боже наш, слава Тебе!

Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.

Слава Тебе Боже наш, слава Тебе!

Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.


06.Праздничный хор Свято Елисаветинского монастыря еще тексты