117. Хасан Хубиев - Аллах, сен сакъла Къарачайны! | Текст песни

• Тексты песен
• 117. Хасан Хубиев
• Аллах, сен сакъла Къарачайны!

Музыка и стихи Хасана Хубиева.

Аллах, сен сакъла Къарачайны,
Мингле бла къышны эм джайны,
Саныбыз джетгинчи Къытайны,
Аллах, сен сакъла Къарачайны!

Бюгюнлюкде бёрю джашауда
Биреуню къыйынын ашаудан,
Онглуракъ онгсузну бошаудан,
Аллах, сен сакъла Къарачайны!

Кесини тилин билмегенден,
Къобанны сууун кюсегенден,
Тауладан узакъда ёлгенден,
Аллах, сен сакъла Къарачайны!

Ашындан мардасыз тойгъандан,
Байлыгъы ючюн адам сойгъандан,
Кеси ючюн тенгин джойгъандан,
Аллах, сен сакъла Къарачайны!

Кесини миллетин сатхандан,
Адамны сыртындан атхандан,
Таулу намысны унутхандан,
Аллах сен сакъла Къарачайны!

Тёгерекде джанган отладан,
Аяусуздан берген тобладан,
Бир бирин къырлыкъ бу затладан,
Аллах, сен сакъла Къарачайны!

Джер-суу юлеширге джетгенден,
Хоншунг бла уруш этгенден,
Керексиз ёхтемлик этгенден,
Аллах, сен сакъла Къарачайны!

Керек кюнде хомух болгъандан,
Алгъа бармай, артха бургъандан,
Кимге да табыныб тургъандан,
Аллах, сен сакъла Къарачайны!