118♥ - Амонды ронг | Текст песни

• Тексты песен
• 118♥
• Амонды ронг

Уалдзæджы бауарзтон иу хатт дæ цæстытæ,
Мидбылты худтæ æргом.
{Гъе уæдæй кувын Хуыцæуттæм дæ бæсты дæр,
Гъе уæдæй дзурын дæ ном.} x2

Булæмæргъ фестадтæн æмæ ныззарыдтæн,
Зарæг мæ минæвар уыд.
Зарæг мæ цин зарæг афтæ æз самыдтон,
Æмæ ныррухс и дæ уд.

Хурмæ зилæгау мæнырдæм ды разылдтæ,
Хурау æргом уыд дæ каст.
{Гъе уæд фыццаг хатт æз уарзты цин базыдтон,
Гъе уæд куы райхæлд нæ уарзт.} x2

Байхъус дæ зæрдæмæ, байхъус мæ зæрдæмæ –
Иу зарæг зарынц уæдæй.
{Афтæ йæ зардзыстæм ардыгæй фæстæмæ,
Æмæ йын бамынæг нæй.} x2

Рацагъд.

Иу хатты уалдзæг рæсугъдæй куы рацæуы
Уарзæттæм цингæнгæ, уæд.
{Ногæй дæ цурмæ æз ногчындзау бацæуын,
Ногæй дын дзурын мæ фæнд.} x2

Хуры лæппуйау дыл алкæддæр зардзынæн,
Уарздзынæн ног æмæ ног,
Уарзты кæлæнтæ дæ цæстытæй нуаздзынæн,
Нуаздзынæн амонды ронг.

Уалдзæджы бауарзтон иу хатт дæ цæстытæ,
Мидбылты худтæ æргом.
{Гъе уæдæй кувын Хуыцæуттæм дæ бæсты дæр,
Гъе уæдæй дзурын дæ ном.} x2

Байхъус дæ зæрдæмæ, байхъус мæ зæрдæмæ –
Иу зарæг зарынц уæдæй.
Афтæ йæ зардзыстæм ардыгæй фæстæмæ,
Æмæ йын бамынæг нæй.

Слова Тотраза Кокаева, музыка народная

«Музыкальная культура осетин» © 2011
vk.com/ossmus
¯¯\/¯¯¯¯¯¯¯¯¯
☻/
/▌
/ \

118♥ еще тексты