vk.com/ctmusic
Qara bulut sarıp aldı
Şu küneşli Qırımnı.
Qara deñiz dalğalandı,
Kesti millet yolunı.
Sağlıqlaştıq biz Qırımnen,
Perekoptan keçkende.
Qartı-yaşı şaşıp qaldı,
Vagonlardan tüşkende.
Öksüz qaldıq biz anadan,
Babadan em Vatandan.
Bizden zulum padişağı
Tez-tez ketsin yaradan.
Sen unutma bizni, Qırım,
İç unutmaq biz seni.
Bağçalarda yırlap yürgen,
Bülbüllerniñ sesini.
Al ket bizni Qırım quşı,
Vatanğa biz qaytayıq.
Tar-mar olğan tatarlarnı
Vatanıma toplayıq.
Kelir bir kün, biz qaytırmız
Şu küneşli Qırımğa.
Tatlı canım feda olsun,
Özüm doğğan Vatanğa.vk.com/ctmusic
Статистика страницы на pesni.guru ▼
Просмотров сегодня: 1