Alastair McDonald - Charlie O’ Charlie | Текст песни

• Тексты песен
• Alastair McDonald
• Charlie O’ Charlie

O Charlie, O Charlie, come owre frae Pitgair,
And I'll gie ye out all your orders,
For I maun awa to yon high Hielan' hills,
For a while to leave the bonnie Buchan borders.

O Charlie, O Charlie, tak' notice what I say,
And put every man to his station,
For I'm gaun awa to yon high Hielan' hills,
For to view a' the pairts o' the nation.

Tae the loosin' ye'll put Shaw, ye'll put Sandison to ca',
To the colin ye'll put auld Andrew Kindness.
Ye'll gar Colliehill aye feed the thrashin' mill,
An' see that he dee't wi' great fineness.

To the gatherin' o' the hay, ye'll put little Isa Gray,
And wi' her ye'll put her cousin Peggy;
And in aneath the bands, its there ye'll put your hands,
And ye'll see that they dee't richt tidy.

As for you, Willy Burr, ye'll carry on the stir,
And ye'll keep a' the lasses a-hyowin',
And beware o' Shaw and Jeck, or they'll play you a trick,
And set a' your merry maids a-mowin'.

And for you, Annie Scott, ye'll put on the muckle pot
And ye'll mak' milk pottage a-plenty,
For yon hungry brosers that's comin' frae Pitgair,
And they're keepit aye sae bare scanty.

O Charlie, O Charlie, sae early's you'll rise,
And see a' my merry men yokin';
And you, Missy Pope, ye'll sit in the parlour neuk
And keep a' my merry men frae smokin'.

Roud Folk Song Index number 2584.

From John Ord's Bothy Songs and Ballads (1930; reprinted 1995)

Alastair McDonald еще тексты