Alberto D'amico - Giudeca | Текст песни

• Тексты песен
• Alberto D'amico
• Giudeca

Giudeca nostra abandonada
vint'ani de lote e sfrutamento
e adesso xe riva 'l momento
de dirghe basta e de cambiar!

Le scuole co le pantegane
le case sensa gabineto
e quando ti te buti in leto
ti sogni sempre de lavorar.

E chi che lavora se consuma
da Herion, a'a Junghans, ai Cantieri.
La pua te fa i oci neri
se ti te meti a sioperar!

I fioi se ciapa l'epatite
in meso al pantan de'a Giudeca.
Cipriani se ciava la bisteca
e da'e case ne vol sfratar.

Contesse ga fato el doposcuoa
co 'a cipria e coi ciocolatini,
el Pro Giudeca dei paroni
i giudechini el ga imbrogià.

Done studenti e operai,
gavemo ocupà el doposcuoa:
che vegna el prefetto co 'a pua
no se movemo, restemo qua!

Giudecca nostra abandonada
vint'ani de fame e sfrutamento
ma adesso xe rivà 'l momento
de dirghe basta e de cambiar.

Alberto D'amico еще тексты