Alim Appalani - Cantuuğan | Текст песни

• Тексты песен
• Alim Appalani
• Cantuuğan

муз. и сл. народные

Басхан элде тёре болду марал бала марагъан,
Ойра, ой, марагъан.

Джантуугъан а Тар ауузда айыу бала къоймагъан,
Ойра, ой, къоймагъан.

Басхан тауда аз болгъанды Апсатыны маллары.
Джантуугъанны сакълай эди Апсатыны налаты.

Джантуугъан а чамландыргъанд Апсатыны къызларын.
Джаш уучула, марламагъыз Апсатыны ызларын.

Джантуугъаннга тийген болур Апсатыны налаты,
Кеси аллына келген эди аны миниучю аты.

Джаш уучула, марламагъыз Апсатыны ызларын,
Кесигизге къадалтмагъыз Апсатыны къызларын.

Къаргъа, джерге терк баталла туякъланы ызлары,
Уучуланы терк джетелле Апсатыны къызлары.

Танг джулдузча, джарытады аны эки мюйюзю,
Окъдан, джелден терк болады Апсатыны джюрюшю.

Джаш уучула, малтамагьыз Апсатыны ызларын,
Кесигизге къаргъатмагъыз сары чачлы къызларын.

Апсаты уа бек сакълайды маралларын, малларын,
Уучуладан бек алады кийиклени къанларын.

Апсаты уа кертичиди сюрюуюне, сёзюне,
Аман уучу терк тюшеди аны эки кёзюне.

Джантуугъан а умут этди Адыр бойнун сакъларгъа,
Къарча ташда ант этгенди акъ маралла мараргъа.

Огъурсуздан, марал бала джылатханды Джантуугъан,
Къарча айтханнга тынгыламагъан, налат санга, джантуугъан.

Апсаты уа болуучеди кийиклени ёкюлю,
Къая ыранда къалгъан эди Джантуугъанны ёлюгю.

Alim Appalani еще тексты