AltaiKai - Warrior's Words | Текст песни

• Тексты песен
• AltaiKai
• Warrior's Words

Кеен чӱмдӱ бу Алтайда,
Кебис jараш бу jалаҥда,
Ак тайганыҥ эдегинде,
Ак талайдыҥ jарадында
Тегин эмес jӱрӱм jӱрген
Баатырыс jуртаган.

Ары кӧрзӧ, андый эмес,
Бери кӧрзӧ, мындый эмес,
Ары кӧрзӧ - айудый,
Бери кӧрзӧ - бӧрӱдий,
Коркор сӧс ол билбес
Баатырыс jуртаган.

Алтайынаҥ алкышту:
Аткан огы чике тийер,
Эткен эдим эптӱзи
Минген ады jаражы,
Айткан сӧзи чечени.
Угыгар, угыгар, угыгар!

Калганчыда баатыр айткан:
\"Келер-келер бу чактарда
Кебис jараш бу jалаҥда,
Кеен чӱмдӱ бу Алтайда
Кубулар, кубулар, jӱрӱмис!

Алтайыма чак келер,
Албатыбыс азып jӱрер,
Ачу корон суу ичип,
Албатым астыгар
Алтайда, Алтайда, Алтайда!

Кижи, кижи, оҥдошпой,
Jаҥ блаажып согужар.
ӧскӧ калык ол келип,
ӧскӧ jаҥ га ӱредер.
ӱредер, ӱредер, ӱредер!

Качан бирде Алтайга
Алтай баатыр уул келер.
Албатыбыс ойгонып,
Алтай jаҥын бирлик билип,
Jаранар ,jаранар, jӱрӱмис!\"

AltaiKai еще тексты