Olihwakayuhnéha nok kʌs ne: akwa luto:láts lʌnukwehu:wé sʌ́ha kwi tsiˀ tho ok ne: nu nitwé:se laotíkhwa. Okhaleˀ kwa uni tho ni:yót ne thó neˀ tsiˀ ná ni:yót nʌ ótyahkeˀ lotiliˀwáksʌ okhaleˀ lotiní:u. Ne katiˀ wi ne: kaˀi:kʌ́ tho nu yʌkala:táne. Skahwatsi:lát yakʌˀ wi kalhakuhkó thatinákleˀ lóna okhaleˀ shakotiyʌ́ha. Ne katiˀ aleˀ wi kaˀi:kʌ́ wehnisla:té wahatoláthaˀ tahnú tho yahonísku tat kwi núwa sʌ́ha i:nú nyahá:leˀ tsiˀ nihlélhahkwe. Sakakhu:ní: kwi ne: tsiˀ nikaha:wí: tsyekhu:níheˀ. Kwa uni oskanu:tú oˀwá:luˀ yakoté:skute̲. Ne: katiˀ wi áhsu thusá:laweˀ lokwʌná:taˀ nʌ kwi kwa nok tetyokalhatenyá:tu oˀwá:lu. Shakotiyʌ́ha kwa nok tsiˀ yuta:tíheˀ yeliˀwanúthaˀ thok náhteˀ ayutekhu:ní kwa kʌs nok oˀwá:luˀ yusayuhtsya:tú yu:túheˀ, “Nʌ kʌ yo:lí:, nʌ, nʌ kʌ yo:lí:”. Kwa kʌs ne: nok takʌ́:luˀ akonulhá, “Tasatú:nek ne: tho. Satwá:nik sʌ”. Nʌ kwi yeksá tayutó:ktahkwe tsiˀ niyolakaléni tsiˀ yakóthahḻe̲ okhnaˀ waˀyeya:kʌ́:ne. Kwa ok thayutye:lʌ́ kwa kʌ aˀnyó é:nike niyakothalátyehseˀ yeksá. Okhnaˀ kwi yakayakʌˀtá:tshi yaˀtyutkahtúni. Yayakoyaˀtátsale kwi nʌˀ ne. Kwa nok utkáthu kaˀ nikatsiˀtʌtslá tho yelathé:seˀ kwaˀanyó yutekhwi:sáks yu:túheˀ, “Nʌ kʌ yo:lí”. Yusakahnunhó:kahte. Takaksahlákwahte. Yusakayakʌˀtá:tsi. Tho yeyakoksatátyehseˀ oˀwá:luˀ laókhwa. Nʌ kwiˀ ne: kwa ok thitsyolí:waku. Kwa kato:kʌ́ ok niyo:lé tyétyehseˀ yu:túheˀ, “Nʌ, nʌ kʌ yo:lí”. Tho kwi ne: ni:yót tsiˀ lotunhé:tu neˀn otsistokwalunyúh̲a̲.
Amos Christjohn еще тексты
Оценка текста
Статистика страницы на pesni.guru ▼
Просмотров сегодня: 1
Гуру Песен