Amruthavarsha - Devi Kavacham | Текст песни

• Тексты песен
• Amruthavarsha
• Devi Kavacham

Pesni.guru - сайт для Гуру

OM asya shrIcaNDIkavacasya brahmA
R^IShiH anuShTup chandaH cAmuNDA devatA
a~NganyAsoktamAtaro bIjam digbanghAdevatAstattvam shrIjagadambAprItyarthe
saptashatIpAThA~Ngatvena jape viniyogaH |
namashcaNDikAyai

mArkaNDeya uvAcha
yad guhyaM paramaM loke sarvarakShAkaraM nR^iNAm |
yanna kasyacidAkhyAtaM tanme brUhi pitAmaha! ||1||

brahmovAca
asti guhyatamaM vipra! sarvabhUtopakArakam !
devyAstu kavacaM puNyaM tacchR^iNuShva mahAmune ||2||

prathamaM shailaputrI ca dvitIyaM brahmacAriNI |
tR^itIyaM candraghaNTeti kUShmANDeti caturthakam ||3||

paNcama skandamAteti ShaShTaM kAtyAyanIti ca |
saptamaM kAlarAtrIti mahAgaurIti cA.aShTamam ||4||

navamaM siddhidAtrI ca navadurgAH prakIrtitAH |
uktAnyetAni nAmAni bahmaNyeva mahAtmanA ||5||

agninA dahyamAnastu shatrumadhye gato raNe |
viShame durgame caiva bhayArtAH sharaNaM gatAH ||6||

na teShAM jAyate kishcidashubhaM raNasa~NkaTe |
nApadam tasya pashyAmi shoka-duHkha-bhayaM na hi ||7||

yaistu bhaktayA smR^itA nUnaM teShAM vR^iddhiH prajAyate |
ye tvAM smaranti deveshi! rakShase jAtra saMshayaH ||8||

pretasaMsthA tu cAmuNDA vArAhI mahiShAsanA |
aindrI gajasamArUDhA vaiShNavI garuDAsanA ||9||

mAheshvarI vR^iShArUDhA kaumArI shikhivAhanA |
lakShmIH padmAsanA devI padmahastA haripriyA ||10||

shvetarUpadharA devI IshvarI vR^iShavAhanA |
brAhmI haMsasamArUDhA sarvAbharaNa-bhUShitA ||11||

ityetA mAtaraH sarvAH sarvAyogasamanvitAH |
nAnAbharaNa-shobhADhyA nAnAratnopashobhitAH ||12||

dR^ishyanterathamArUDhA devyah krodhasamAkulAH |
sha~NkhaM cakraM gadAM shaktiM halaM ca musalAyudham ||13||

kheTakaM tomaraM caia parashuM pAshameva ca|
kuntAyudhaM trishUlaM ca shAr~NgamAyudhamuttamam||14||

daityAnAM dehanAshAya bhaktAnAmabhayAya ca |
dhArayantyAyudhAnItthaM devAnAM ca hitAya vai ||15||

namaste.astu mahAraudre mahAghora – parAkrame |
mahAbale mahotsAhe mahAbhaya – vinAshini ||16||

trAhi mAM devi ! duShprekShye shatrUNAM bhayavarddhini |
prAcyAM sakShatu mAmaindrI AgneyyAmagnidevatA ||17||

dakShiNe.avatu vArAhI nairR^ityAM khaDgadhAriNI |
pratIcyAM vAruNI rakShed vAyavyA mR^igavAhinI ||18||

udIcyAM pAtu kaumArI IshAnyAM shUladhAriNI |
Urdhva brahmANi me rakShedadhastAd vaiShNavI tathA ||19||

evaM dasha disho rakSeccAmuNDA shavavAhanA |
jayA me cA .agrataH pAtu vijayA pAtu pR^iShThataH ||20||

ajitA vAmapArshve tu dakShiNe cA.aparAjitA |
shikhAmudyotinI rakSedumA mUrdhni vyavasthitA ||21||

mAlAdharI lalATe ca bhruvau rakShed yashasvinI |
trinetrA ca bhruvorbhadhye yamaghaNTA ca nAsike ||22||

sha~NkhinI cakShuShormadhye | kShotrayordvAravAsinI |
kapolau kAlikA rakShet karNamUle tu shA~NkarI ||23||

nAsikAyAM sugandhA ca uttaroShThe ca carcikA |
adhare cA.amR^itakalA jivhAyAM ca sarasvatI ||24||

dantAn rakShatu kaumArI kaNThamadhye ca caNDikA |
ghaNTikAM citraghaNTA ca mahAmAyA ca tAluke ||25||

kAmAkShI cibukaM rakShed vAcaM me sarvama~NgalA |
grIvAyAM bhadrakAlI ca pR^iShThavaMshe dhanurdharI ||26||

nIlagrIvA bahiH kaNThe nalikAM nalakUbarI |
skandhayoH khaDiganI rakShed bAhame vajradhAriNI ||27||

hastayordaNDinI rakShedambikA cA~NgulIShu ca |
nakhA~nchUleshvarI rakShet kukShau rakShet kuleshvarI ||28||

stanau rakShenmahAdevI manaH shoka-vinAshinI |
hR^idaye lalitA devI udare shUladhAriNI ||29||

nAbhau ca kAminI rakShed guhyaM guhyeshvarI tathA |
pUtanA kAmikA medraM gude mahiShavAhinI ||30||

kaTyAM bhagavatI rakShejjAnunI vindhyavAsinI |
ja~Nghe mahAbalA rakShet sarvakAmapradAyinI ||31||

gulphayo – rnArasiMhI ca pAdapR^iShThe tu taijasI |
pAdA~NgulIShu shrI rakShet pAdA.adhaHsthalavAsinI ||32||

nakhAn daMShdrA karAlI ca keshAMshcaivordhvakeshinI |
romakUpeShu koberI tvacaM bAgIshvarI tathA ||33||

rakta-majjA-vasA-mAMsAnyasthi-medAMsi pArvatI |
antrANi kAlarAtrishca pitaM ca mUkuTeshvarI ||34||

padmAvatI padmakoshe kaphe cuDAmaNistathA |
jvAlAmukhI nakhajvAlAmabhedyA sarvasandhiShu ||35||

shukraM brahmANi me rakSecchAyAM chatreshvarI tathA |
aha~NkaraM mano buddhiM rakSen me dharmakAriNI ||36||

prANA.apAnau tathA vyAnamudAnaM ca samAnakam |
vajrahastA ca me rakShet prANaMkalyANaM shobhanA ||37||

rase rUpe ca gandhe ca shabde sparshe ca yoginI |
sattvaM rajastamashcaiva rakShennArAyaNI sadA ||38||

AyU rakShatu vArAhI dharma rakSatu vaiShNavI |
yashaHkIrti ca lakShmIM ca dhanaM vidyAM ca cakriNI ||39||

gotramindrANi me rakShet pashUna me rakSha caNDike |
putrAn rakShenmahAlakShmIrbhAryA rakShatu bhairavI ||40||

panthAnaM supathA rakShenmArga kShemakarI tathA |
rAjadvAre mahalakShmIrvijayA sarvataH sthitA ||41||

rakShAhInaM tu yat sthAnaM varjitaM kavacena tu |
tatsarva rakSha me devi! jayantI pApanAshinI ||42||

padamekaM na gacchettu yadIcchecchubhamAtmanaH |
kavacenAvR^ito niHtyaM yatra yatraiva gacchati ||43||

tatra tatrA.arthalAbhashca vijayaH sArvakAmikaH |
yaM yaM cintayate kAmaM taM taM prApnoti nishcitam ||44||

paramaishvaryamatulaM prApsyate bhUtale pumAn |
nirbhayo jAyate martyaH saMgrAmeShvaparAjitaH ||45||

trailokye tu bhavet pUjyaH kavacenA.a.avR^itaH pumAn |
idaM tu devyAH kavacaM devAnAmapi durlabham ||46||

yaH paThet prayAto niHyaM sitrasandhayaM shraddhayA.anvitaH |
daivIkalA bhavetasya trailokyeShvaparAjitaH ||47||

jIved varShashataM sAgramapamR^ityu - vivarjitaH |
nashyanti vyAdhyaH sarve lUtA-visphoTakAdayaH ||48||

sthAvaraM ja~NgamaM caiva kR^itrimaM cA.api yad viSham |
abhicArANi sarvANi mantra-yantrANi bhUtale ||49||

bhUcarAH khecarAshcaiva kulajAshcopadeshikAH |
sahajAH kulajA mAlA DAkinI shAkinI tathA ||50||

antarakShicarA ghorA DAkinyashca mahAbalAH |
graha-bhUta-pishAcAshca yakSha-gandharva-rAkShasAH ||51||

brahma-rAkShasa –betAlAH kUShmANDA bhairavAdayaH |
nashyanti darshanAttasya kavace hR^idi saMsthite ||52||

mAnonnatirbhaved rAj~nastejovR^iddhikaraM param |
yashasA vardhate so.api kIrti –maNDita –bhUtale ||53||

japet saptashatIM caNDIM kR^itvA tu kavacaM purA |
yAvad bhUmaNDalaM dhatte sa-shaila-vanakAnanam ||54||

tAvattiShThati medinyAM santatiH putrapautrikI |
dehAnte paramaM sthAnaM yatsurairapi durlabham ||55||

prApnoti purUShoM nityaM mahAmAyAprasAdataH |
labhate paramaM rUpaM shivena saha modate ||56||

iti bArAhapurANe hariharabramhaviracitaM durgA–kavacaM samAptam |