Andrew Balluta - Htsast'a Ghu Nał T'qighit'ach' - Как мы жили в прошлом (рассказ на языке танаина) | Текст песни

• Тексты песен
• Andrew Balluta
• Htsast'a Ghu Nał T'qighit'ach' - Как мы жили в прошлом (рассказ на языке танаина)

Ghu shqizdlan qech' ghu iqilch' qech' shughu na'eł ninuhdelzex.Htsast'a ghu nał tqighit'ahch' ghu q'udi guhdi hk'uch' shughu nał tqit'a da.Htsast'a shtutda'ina łuhghidił, ha shi k'i dghełchek' ha qeveł łuhenshyu.Heyteh qilan ha hetl q'ech' łik'aha k'i el łuhetlhghidił.Nan Qelah k'i qenq'a qighila.Eyeqech' q'uhdi Tuvughna Ten hdi tinitun hqul'an.Nan Qelah qech' q'u' K'ilghech' di jan ts'ił jan ninuhdulggesh.Iyehdi k'ak'ighalnik ha t'qighit'ah ha iyehdi ninułhdulyak.Iye qech' q'u hdi K'aka'a qenq'a qilan hqugh hdi ninuhdulggesh.Iy qeghe'ut hdi k'iłkedi hghiluh.Iy ghu K'ilghech' qech' q'u Dilah Vena qenq'a qighila'i k'i qech' tus tusnuhdulggesh.Yeh k'i k'iłkedi qezdlu ha yeh k'i łuhetłhghidił.Iy Dilah Vena q'atl'a qech' yeh shughu Tuvughna tustihghiłtun ha t'qighit'a.Dghili teh tinitun ha t'qighit'a.Ey qech' q'u Ch'akaja Vena vunu hdi niqatidighitun iy qech' ghu Tuvugh Tuvughnen ch'atinitun t'qighit'a.Dilah Vena qech' ch'u Vatutnutl'ech'a Vena k'i ch' łuhghidił.Yeh k'i k'iqu qul'ih Vatutnutl'ech'a at k'i niggiday hghiłchix.K'etnu t'ech' hkanahehnitdeł Qeghnilen yeh hkanahetlnitdeł ha t'qut'ih.Qeghnilen k'i qayeh qighila ha yeh k'i nił'egh hdults'ih.Qizhjeh hch'adełna k'elduna yeh k'i qeł shan qedeh.Łiq'a tl'eghit hnuyu Vałts'atnaq' yeh tuhtedeł ha yeh k'i k'iqu qul'ih.Ye qech' q'u Qizhjeh ch'anahdelggesh ha t'qut'ih.K'eldunteh Qizhjeh qut'ana Nila Vena qech' k'i nuqudeł ha t'qut'ih nił'eł chiqul'ił.Niłqettitl' ha t'qut'ih k'eldunteh hdi ch'enlahi k'i eł chiqul'ił ha t'qut'ih.Iy chi'ul chi'ul ghu hq'ahghetnux ch'u yaqech'ghu nuti vunu qech' k'i shtunhghidił.Nuti at veqilani hdi iququl'ih.Hutsighił'iy nihidi quyushi nihdi k'i iqu qul'ih.Yeqech' ghu nutih qayeh qilan ghu nił'egh hdults'ih ha shtunhghidił ha k'i chiqul'ił.

Andrew Balluta еще тексты