Arsen Bekirov - Kim yaratqan güzel seni | Текст песни

• Тексты песен
• Arsen Bekirov
• Kim yaratqan güzel seni

vk.com/ctmusic

Altın pullar fesiñde,
Kümüş quşaq beliñde.
Kim yaratqan, güzel, seni?
Şifa bar külüşiñde.

Yüzüñ, sanki tolu ay,
Yanaqlarıñ - al gül day.
Kim yaratqan, güzel, seni?
Yürüşiñ bar, ceyran day.

Qalem ğancer qaşleriñ,
Tılsımlıdır közleriñ.
Boynuma sarılğaydı yar,
Seniñ siya saçleriñ.

Gece-kündüz esimde
Bülbül sayray sesiñde.
Kim yaratqan, güzel, seni?
Bal-şerbet bar lebiñde.

Melek kibi ketersiñ,
Çoq yürekler ezersiñ.
Kim yaratqan, güzel, seni?
Meni aşıq eylersiñ.

Dünya oldı maña tar,
Sensiz güzel, nazlı yar.
Hasta göñlüm, hasta göñlüm,
İlâcim bir sensiñ, yar.vk.com/ctmusic