Arsen Kursaitov ve MGL - Aqqımnı elâl et | Текст песни

• Тексты песен
• Arsen Kursaitov ve MGL
• Aqqımnı elâl et

Pesni.guru - сайт для Гуру

vk.com/ctmusic

Kelmeseydi bu efkârlı ilk küz avası,
Yaz künlerde sevgi qaldı, em tındı sesiñ.
Altın olıp yerni sarğan yapraq örtüsi,
Kederleriñni yımşatsın, ne içün körmeysiñ?

Bu ömürde sevgi bir yolcu,
Amma ne içün?
Men bir özüm. Körünmey yüzüñ,
Boş ümüt ölsin.

Sararıp soldı ormanlar, bağçalar sustı,
Furtuna eli eglenmey, tınç deñiz astı.
Ateşli elleriñ nerde, nerde lebleriñ.
Öldürseñ meni, bekletme, baldır zeeriñ.

Bilem endi ki, bu sevgi hata.
Menim soñki sözüm: "Veda", "Elvida"!
Seniñ içün sevgi bir eglence,
Ayıbıñnı saqlar gece. O keçer!

Yañı yar ve yañı ayret, yañı ğayret ile,
Yañı ğaye kele, amma aynı fertlerden ibaret,
Seniñ daireñ. Barem unut, ne demek aqaret.
Qudret bite... Birer nur bağışlap, tüşe araret.

Artqa baqmazdan ket, şikâyet beter eter,
Vaziyetni. Yekünlene ömrümde daa bir perde.
Bağçalarda sıq körüşken edik, ne yazıq. Artıq
Aqşamlarımıznı aydınlatmaz yañğız ışıq.

Aşıq olğan edim, endi bildim - fikriñ yañlış!
Qış kelse de, özüme aytmam: "oña alış".
Sevgi alış-veriş, ne berseñ, onı alacañ.
Sevgi kelirmi, meni körip, duymasañ eyecan???

Zornen açqan gül qoqumaz, başqa sözler artqaç.
Bilem, seni baht ve çast bekley, amma bu mesac
Kösterdi ki, sende yoqtır tac, adaletni iss et!
Sağ ol, bar ol. Aqqımnı elâl et.vk.com/ctmusic