Augusta Oulyandina - Атьар, хёрсем, вармана | Текст песни

• Тексты песен
• Augusta Oulyandina
• Атьар, хёрсем, вармана

Атьăр, хĕрсем, вăрмана
Ҫырла татма, выляма.
Ҫырла татма, выляма,
Вăрттăн-вăрттăн чуп тума.
Ай-яй, хытă ан кул-ха,
Тутам шутсăр пĕçерет.
Ай-яй, хытă ан пăх-ха,
Куçăм вут пек ялкăшать.
Ай-яй, хытă ан йăт-ха,
Ара! Вĕçсе каяп-иç!
Вара пĕччен юлат(ӑ)н-иç,
Хĕрсĕр каччă пулат(ӑ)н-иç.
Вара пĕччен юлат(ӑ)н-иç,
Мана тек саваймаст(ӑ)н-иç.
Атьăр, хĕрсем, вăрмана
Мăйăр татма, выляма.
Мăйăр татма, выляма,
Вăрттăн-вăрттăн чуп тума.
Ай-яй, хыт ан сĕртĕн-ха,
Чĕрем тапса тухать-иç.
Ытла темскер ан ту-ха,
Ахаль йăпатанать-и?
Пит шалалла ан кĕр-ха,
Таçтан такам курать-иç.
Вара пурте пĕлĕç-иç,
Вара намăс пулать-иç.
Шĕшлĕ ав, шĕшлĕ ав,
Шĕшлĕ аври тунката.
Упа пур, упа пур
Упа пур тет вăрманта.
Атьăр, хĕрсем, вăрмана
Кĕрхи çулçă пуçтарма.
Кĕрхи çулçă пуçтарма,
Чăштăр-чăштăр тутарма.
Ай-яй, хыт чăштăртатать,
Таçта çити илтĕнет.
Кĕрхи вăрман пытанать,
Çамрăк чунăм пăлханать.
Пăлханасса пăлханать,
Сан патналлах туртăнать.
Çырла, мăйăр, кĕрхи çулçă –
Вăт çапла аташтарать.

Augusta Oulyandina еще тексты