A chantar m'er de so qu'eu no volria, tant me rancur de lui cui sui amia; car eu l'am mais que nuilla ren que sia: vas lui no.m val merces ni cortezia ni ma beltatz ni mos pretz ni mos sens; c'atressi.m sui enganad' e trahia Com degr' esser, s'eu fos dezavinens.
D'aisso.m conort, car anc non fi faillensa, Amics, vas vos per nuilla captenenssa; ans vo am mais non fetz Seguis Valensa, e platz mi mout quez eu d'amar vos vensa, lo meus amics, car etz lo plus valens; mi faitz orgoil en digz et en parvensa, et si etz francs vas totas autras gens.
Meraveill me cum vostre cors s'orgoilla, amics, vas me, per qui'ai razon queu.m doilla; non es ges dreitz c'autr' amors vos mi toilla, per nuilla ren que.us diga ni acoilla. E membre vos cals fo.l comensamens de nostr'amor! Ja Dompnedeus non voilla qu'en ma colpa sia.l departimens.
Valer mi deu mos pretz e mos paratges e ma beutatz e plus mos fins coratges; per qu'eu vos man lai on es vostr' estatges esta chanson, que me sia messatges: e voill saber, lo meus bels amics gens, per que vos m'etz tant fers ni tant salvatges; no sai si s'es orgoills o mal talens.
Mais aitan plus voill li digas, messatges, qu'en trop d'orgoill an gran dan maintas gens.
Статистика страницы на pesni.guru ▼
Просмотров сегодня: 2
Видео
Azam Ali - A Chantar Mer Music. "A Chantar m'er" by Azam Ali (Google Play • iTunes • AmazonMP3) ... Mix - Azam Ali ...
Azam Ali - Portals of Grace - A Chantar M`er Azam Ali - Portals of Grace - A Chantar M`er. Iyad Olayan. SubscribeSubscribed Unsubscribe ...
A Chantar M'er i think half the views of this video is me. Can you please tell me where I can get a copy of this ...
A chantar m'er "A chantar m'er de so qu'eu non volria" penned by La Comtessa Beatritz de Dia is ...
Beatriz of Dia - A chantar m'er de so The Comtessa de Dia (Countess of Die), probably named Beatritz or Beatriz ( 1140-1175 ...
A chantar mer "A Chantar Mer" by Angels Of Venice (Google Play • AmazonMP3 • iTunes) ... Comtessa ...