BaGi x Double.AI - Өткен күндер | Текст песни

• Тексты песен
• BaGi x Double.AI
• Өткен күндер

Өткен күндер

Өткен күндердің бейнесі көз алдыма тізіліп,
Барады көзімнен менің бір тамшы жас үзіліп.
Қоштасып тұрмын сенімен жаңбырлы күн астында,
Соңғы рет көріп тұрмын мен өзіңді қасымда.
Жаным, өзіңді сүйемін, бірақ амалым жоқ,
Екеуміз қоштасуға арада себептер көп.
Қолыңнан қысып ұстап жібергім келмейді сенің,
Қимастықты жасырмай тұр ғой көздерім де менің.

Қ-сы: (x2)
Есіңде ме ұйқысыз өткізген түндер,
Бір өкініштісі – барлығы өткен күндер.
Өткен күндер, белгілі, қайта оралмайды,
Өзге жандар сен сияқты жан бола алмайды.

Сенімен бірге өткізген күндеріме өкінбеймін,
Сенен сұранып қайта оралуыңды өтінбеймін.
Кімдер түсті, түсінбеймін, біздің арамызға,
Өткен күндердің бәрі қалды санамызда.
Жаным, сен де мені, білемін, сағынасың,
Тағдыр жазғаннан кейін, амал жоқ, бағынасың.
Жоғалтты мағынасын менің бұл өмірім,
Сен жаққа тартады менің жиі көңілім.

Қ-сы: (x4)
Есіңде ме ұйқысыз өткізген түндер,
Бір өкініштісі – барлығы өткен күндер.
Өткен күндер, белгілі, қайта оралмайды,
Өзге жандар сен сияқты жан бола алмайды.