Camerata Mediterranea - Peire Cardenal - Ar mi puesc ieu lauzar d'amor | Текст песни

• Тексты песен
• Camerata Mediterranea
• Peire Cardenal - Ar mi puesc ieu lauzar d'amor

Pesni.guru - сайт для Гуру

Ar me puesc ieu lauzar d'Amor,
Que no-m tol manjar ni dormir!
Ni-n sent freidura ni calor
Ni no-n badail ni no-n sospir
Ni-n vauc de nueg arratge.
Ni-n soi conquistz ni-n soi cochatz,
Ni-n soi dolenz ni-n soi iratz
Ni no-n logui messatge!
Ni-n soi trazitz ni enganatz,
Que partitz m'en soi ab mos datz.

Autre plazer n'ai ieu maior,
Que no-n traisc ni fauc trair,
Ni-n tem tracheiris ni trachor
Ni brau gilos que m'en azir!
Ni-n fauc fol vassalatge,
Ni-n soi feritz ni derocatz
Ni no-n soi pres ni deraubatz!
Ni no-n fauc lonc badatge,
Ni dic qu'ieu soi d'amor forsatz
Ni dic que mos cors m'es emblatz.

Ni dic qu'ieu mor per la gensor
Ni dic que-l bella-m fai languir,
Ni non la prec ni non l'azor
Ni la deman ni la dezir.
Ni no-l fas homenatge
Ni no-l m'autrei ni-l me soi datz!
Ni non soi sieus endomenjatz
Ni a mon cor en gatge,
Ni soi sos pres ni sos liatz
Anz dic qu'ieu li soi escapatz.