Capella Antiqua München (Ambrosius Mediolanensis) - Aeterne Rerum Conditor (О, Творец предвечный мира) | Текст песни

• Тексты песен
• Capella Antiqua München (Ambrosius Mediolanensis)
• Aeterne Rerum Conditor (О, Творец предвечный мира)

Aeterne rerum conditor,
noctem diemque qui regis,
et temporum das tempora
ut alleves fastidium,

Praeco diei iam sonat,
noctis profundae pervigil,
nocturna lux viantibus
a nocte noctem segregans.

Hoc excitatus lucifer
solvit polum caligine;
hoc omnis errorum chorus
vias nocendi deserit.

Hoc nauta vires colligit
pontique mitescunt freta;
hoc, ipse Petra Ecclesiae,
canente, culpam diluit.

Iesu, labentes, respice
et nos videndo corrige;
si respicis, lapsus cadunt
fletuque culpa solvitur.

Tu, lux, refulge sensibus
mentisque somnum discute;
te nostra vox primum sonet
et vota solvamus tibi.

Sit, Christe, rex piisime,
tibi Patrique gloria
cum Spiritu Paraclito,
in sempiterna saecula. Amen.