Catherine-Аnn Macphee - Soraidh Leis an Eilean A' Cheo | Текст песни

• Тексты песен
• Catherine-Аnn Macphee
• Soraidh Leis an Eilean A' Cheo

Soraidh leis an àit'
An d'fhuair mi m'àrach òg,
Eilean nam beann àrda
Far an tàmh an ceò;
Air am moch a dh'éireas
Grian nan speur fo ròs,
A' fuadach neul na h-oidhche
Soillseachadh an Stòrr.

Tha 'n sneachda is an neòinean
A' pògadh beul ri beul,
Shamhradh is a gheamhradh
Ann an ceann a chéil';
Canach air do mhòintich,
'S lògar air gach fèith,
Muran air do chruachain,
'S luachair air do rèisg.

Creag Shniadhasdail nam biatach,
Fraigh-shnighe sìos gu bonn,
Cruinneachadh na loch
San seòladh coit is long;
‘S ged bhiodh neach le prosbaig,
Chan fhaiceadh e a ghrunnd;
Bhon nigh Fionn a chasan,
Dh’fhàg e ‘n t-uisge donn.

Seinneadh gach fear-ciùil
Le mùirn a dhachaidh fhéin,
‘S cumaibh suas a cliù
Ma bhios ur cùrsa réidh;
Ach cha ghabh sinn mùiseag
Os ur cionn gu léir,
Nach eil spot as cùbhr’
Air an laigh driùchd o nèamh.


Catherine-Аnn Macphee еще тексты