Chjami Aghjalesi - CULOMBU | Текст песни

• Тексты песен
• Chjami Aghjalesi
• CULOMBU

Partianu le grande nave
À vugà sopra à lu mare
Luntanu
Era u seculu di l’oru
Per secula seculoru
Cristianu

In lu portu si cantava
È lu ventu scuzzulava
E fune
Era gioia è allegria
In lu vinu chì curria
À fiume

S’imbuffavanu le vele
Fatte di le forte tele
Di l’avvene
Dendu brama à i zitelli
Di li paesi nuvelli
Da vene

Tunavanu li cannoni
Da sopr’à li muraglioni
È u molu
In la vechja citatella
Singhjuzzava ogni zitella
In dolu

È le donne più avvezze
Si spartianu carezze
È danari
Contru à un soldu di sperenza
In l’ochji di a partenza
Di i marinari
À li maghji di mezana
À lu ventu è la sulana
E bandere
Chjucchittavanu cuccagna
Per la regina di Spagna
A più fiera

E li grandi li signori
Sempre avvezzi à l’onori
Di u mondu
Fighjavanu a ventura
D’un calvese di furtuna
Culombu

Furesteru di u mare
Senza tituli nè terre
Esiliatu
Lascendu l’isula bella
Di l’ochji di Lisabella
Innamuratu

Chì ricurderà la storia
S’ellu ùn hè fume di gloria
Passata
M’arricordu una regina
Chì in un castellu pienghjia
U so innamuratu





Chjami Aghjalesi еще тексты