Cindy & Joyce Fisher - I Am A Miller Tae Ma Trade | Текст песни

• Тексты песен
• Cindy & Joyce Fisher
• I Am A Miller Tae Ma Trade

I am a miller tae my trade, and that sae weel ye ken, O,
I am a miller tae my trade, and that sae weel ye ken, O.
I am a miller tae my trade, aye, and mony a sack o' meal I've made
And mony a lassie I hae laid at the back o' the sacks o' meal, O

As merrily as the wheel gaes roond, the rate sae weel ye ken, O,
As merrily as the wheel gaes roond, the rate sae weel ye ken, O.
O, as merrily as the wheel gaes roond, wi' grinding peas and corn, O,
A better job was never foond since ever I been born, O.

It happened ae nicht in June, when I was in mysel', O,
It happened ae nicht in June, when I was in mysel', O.
O, the lassie cam' tripplin' doon the lane, said, “I hear your mill a-clackin' in,
Aye and I thocht that I would just look in, for tae see if you're in yoursel', O.”

“You're welcome here, my bonnie lass, you're welcome here for aye, O,
You're welcome here, my bonnie lass, you're welcome here for aye, O,
You're welcome here, my bonnie lass, aye, whit's the news that I maun hear?
Will ye consent tae bide wi' me, aye, and bide wi' me for aye, O?”

The lauchin' lassie gied a smile, she said she couldna tell, O,
The lauchin' lassie gied a smile, she said she couldna tell, O.
O, the lauchin' lassie gied a smile She said, “Young man, ye'll wait awhile.
When I hear your mill a-clackin' in, then ye'll hae me tae yoursel', O.”

I kissed her lips as sweet as honey, as sweet as honey dew, O,
I kissed her lips as sweet as honey, as sweet as honey dew, O.
I kissed her lips as sweet as honey until a tear cam' in her e'e,
“Oh I'll leave my mammy a' for thee, aye, and I'll bide wi' ye for aye, O.”

Cindy & Joyce Fisher еще тексты