Coro di Usini (Sardegna) - Vendetta | Текст песни

• Тексты песен
• Coro di Usini (Sardegna)
• Vendetta

Cantu as suffridu pro me, o mama mia,
in cussu tempus de istràtziu profundu,
cando sa vida ana leadu a frade meu
sentza aer fattu ne arte ne dannu.

Fit un'anzone suende dai sa mama,
cun su latte in sa ’ucca falende,
fit su fiore chi s'accerat riende
a su toccu de sa prima campana.

Non si podiat supportare
tantu dolore, o mama mia,
eo lu devia iscalveddare
e l'apo fattu a petta bia.

Mori tue puru ’e manu mia
non ti perdono mai, as mortu a frade meu,
mori tue puru ’e manu mia
non ti perdono mai, as mortu a frade meu.

Su coro tou est distruttu, o mama mia,
però issu non deviat campare,
in sa galera podiat pane mandigare,
frade meu mandigat terra ebbia.

Samben sardu si ribellat lu devia,
pro nde fagher vendetta, chircare,
fit frade meu e fizu tou, o mama mia,
s'assassinu deviat pagare.

Non si podiat supportare
tantu dolore, o mama mia,
eo lu devia iscalveddare
e l'apo fattu a petta ’ia.

Mori tue puru ’e manu mia
non ti perdono mai, as mortu a frade meu,
mori tue puru ’e manu mia,
non ti perdono mai, as mortu a frade meu.


Coro di Usini (Sardegna) еще тексты