Corou de Berra - Pastre dei mountagno | Текст песни

• Тексты песен
• Corou de Berra
• Pastre dei mountagno

Pastre dei mountagno,
La Divinita
A pres pèr coumpagno
Vosto umanita.
Soun dins la persouno
D'un petit Garçoun
Que soun Paire douno
Pèr vosto rançoun

La troupo fidèlo
A pres gran pleisi
D'ausi la nouvello
Que l'Ange li a di.
An peno de crèire
Qu'acò sié verai ;
Volon l'ana vèire
Aqui vounte jai.

Lou pu vièi dei pastre
E lou pu savènt
Counsulto leis astre
Se fara bèu tèms :
Dis qu'en luno pleno
Fai toujour tèms dre,
E quand l'auro meno
Dis que fai bèn fre.

Guihaume s'abiho,
Viestis soun jargau
E dis à sa fiho :
« Istas à l'oustau,
Debanas la sedo,
Gardas lou troupèu,
Mousès vòstei fedo,
Largas leis agnèu. »

Leis àutrei pastouro,
Deman de matin
Viroun lei sèt ouro,
Saran pèr camin.
Crese que sei mouflo
Li faran pas mau,
Car lou vènt que souflo
N'es pas gaire caud.

Corou de Berra еще тексты