Davide Van De Sfroos - Akuaduulza | Текст песни

• Тексты песен
• Davide Van De Sfroos
• Akuaduulza

Akuaduulza, akuaduulza ma de un duulz che nissoen el voe beev
acqua stràca e acqua sgunfia sciüscia i remuj e i gaamb di fiulìtt...
Lavandèera in soe la riva cul tò ass per pugià giò i genoecc
el savòn e la camìsa, sfrèga i pàgn e'l riflèss di muntàgn
e quest'unda vagabunda l'è una lèngua che bagna i paròll
lèngua che rànza e lèngua redùnda, prema l'è timida e poe sbròfa tücc...
Akuaduulza akuaduulza troppa vòlta per fàss carezzà
acqua ciàra o spurcelènta, tropa vègia per tràss foe i müdaand,
suta el ventru de ogni barca e sura la cràpa de ogni sàss,
sura el rusàri de ogni memoria... ma sura de te resterà gnanca n' pàss...
gnanca el suu che te früsta la schèna o la loena che pucia giò i pee,
gnanca la spada de ogni tempesta riüssirànn a lassàtt un disègn...

Akuaduulza akuaduulza acqua che scàpa e che poe turna indree
acqua vedru e acqua perla prunta per tücc ma che spècia nissoen
gh'emm una fàcia de tartarüüga e gh'emm una facia de pèss in carpiòn
gh'emm una fàcia per paar roba tua e urmai te vedum senza vardàtt
quajvoen l'è scapaa de la spüzza dell'alga e poe l'è turnaa per lavàss i soe màn
quajvoen l'ha spüdaa in soe la tua unda e poe l'è turnaa cun 'na lacrima in pioe

Akuaduulza akuaduulza quanta acqua impienìss questi oecc
acqua negra e senza culpa, acqua santa senza resònn
e passa un bàtell e passa un invernu e passa una guèra e passen i pèss
passa el veent che te ròba el mantèll e passa la nèbia che sàra soe i stèll
pescaduu che te làsset la spunda ne la brèva che càgna i vestii
rema in pee soe sta foeja cje dùnda cun la canzòn che te voett mai finì...


Davide Van De Sfroos еще тексты