Deathsaint - Ваўкалак-Чарадзей | Текст песни

• Тексты песен
• Deathsaint
• Ваўкалак-Чарадзей

Сонца ў небе затухае,
Цемру з лесу выганяе.
Нараджае зямля цень,
Памірае стары дзень.

Вецер у пушчы завывае,
З дрэваў лісце абрывае.
І крадзецца ў сэрца жах,
Як завые ў чаратах.

Крок за крокам сцежка ўецца,
Ці то праўда, ці здаецца...
Нехта па начной імгле
Княжым поступам ідзе.

Цёмны хмары разганяе,
Стару сілу абуджае,
Панясецца, нібы змей,
Ваўкалак-Чарадзей.

Замірае ўсё навокал,
І хавае сонца цень.
Зноў ідзе на паляванне
Ваўкалак-Чарадзей.

Не таптаць варожай зграі
Краю роднага палі,
Бо за Князем падымуцца
Зямлі Крывіцкай сыны.

Грозна позірк уздымае,
Зямлю родну аглядае,
На жывых наводзіць жах -
Полымя ў яго вачах.

Шэрыя звярыны вочы
Не успомняць стан дзявочы,
Бо адно ён сэрца мае,
Што за край свой родны дбае.

Сцяг да неба уздымае,
Раці ў бой свае кідае.
Цяжка конь пад ім хрыпіць,
Кроў паганская кіпіць.

Цёмныя варожы хмары,
Не шукайце тут ахвяры,
Бо ляціць вам насустрэч
Старажытны Крэўскі меч!

Deathsaint еще тексты