DeLi Damir - Bir gece | Текст песни

• Тексты песен
• DeLi Damir
• Bir gece

vk.com/crimeanmusic

Öyle duyğu, sanki bir
Pencereden men baqam.
Hayat o taraftan, mında degil,
Hayat öyle, öyle de bil.

Saba oldu, gece keçti, amma yuqlamadım men.
Közümde yuqu yoq, ilginç bir duyğu içimde.
Yüregimde, em de olduğım er yerde,
Adım-adım kelebere o menim peşimden.

Er saba ve er gece
Başım tolu sorularnen - öyle hayatım keçe.
Ne olup kelecek, tınç hayat, yoqsa cenk?
Epimizni bekley bir netice.

Duyğular, qorqular, sade insanım men.
Sade insan olsam da, içimde büyük alem.
Ve aslında er bir künüm keçe bu yük ile.
Yıllar keçe ve artından mesüliyet kele.

Ve ne olsa olsun, amma unutma ep
Hayatlarnı berip-alğan, Allaha şükür et.
Ve soñunda keçerik bu qıyınlıqlardan,
Sabır etsek, küneş çıqar maña inan.

Ve kene bir gece keldi öz yekününe.
Qanatlarım, ümütlerim ep mennen ile.
Ve ne olsa da, men maqsadıma ketem.
Yañı kün doğar bunı bilem.

Hayat - bir imtian.
Keçmiş ve kelecekniñ arasında bir an.
Hayat o bir sınav,
Ve men ondan qorqmam, ve men, dostum, sınmam.

Ne qadar şey keçip ketti?
Evelden dostum, soñra babam bu hayattan keçindi.
Sanki özüm qaldım men bu suvuq yerde.
Anam ayttı küçlü ol, közyaşlarnı tökme.

Endi hayat devam ete ve er şeyge qarşı
Sen sorasañ, cevap olur er şey yahşı.
Yanımda yaqınlarım, elbette, men qalmam yalıñız.
Ve er bir zorluqlardan mıtlaq keçermiz biz.

Ve er şey kelecek, er şey olacaq.
Yañı kün sabır ile qapılarnı aça.
Sen sorasañ, nasıl ibretni aldıñ?
De men aytarım, sabırnıñ tübü sarı altın.

Öyle duyğu, sanki bir
Pencereden men baqam.
Hayat o taraftan, mında degil,
Hayat öyle, öyle de bil.

Ve kene bir gece keldi öz yekününe.
Qanatlarım, ümütlerim ep mennen ile.
Ve ne olsa da, men maqsadıma ketem.
Yañı kün doğar bunı bilem.vk.com/crimeanmusic