Dimkas - Сүрэх этэр тыллара | Текст песни

• Тексты песен
• Dimkas
• Сүрэх этэр тыллара

Уоран көрбүттүү долгутар кылбайар харахтардаах
Куруутун үөрэ көтө сылдьар сымнаҕас уостардаах
Манньытар санаабын майгыта санаата мааныта
Үөрэбин эйиигинниин кэпсэтэрбиттэн астына

Хайдахтаах кыраһыабайгын тылларбынан быһаарбаппын
Кырачаан бэйэҕин ханна даҕаны бырахпаппын
Эн сэмэй мичээриҥ эрэ миэхэ күүс сэниэ эбэр
Эн эрэ куолаһыҥ сарсыҥҥыбар эрэли биэрэр

Төһө даҕаны эйиигин үчүгэйдик билбэтэр
Кэмсиммэт сүрэҕим кэпсэтэригэр күүскэ тэбэр
Эйиигинниин буолуоҕун эрэ олуһун баҕарар
Бу орто олоххо биһигини дьолбут ыҥырар

Күн дьыл ааһан иһиэҕэ кэлин кэм элбэҕи этиэ
Олохпут устан истэҕин аайы сонуммут элбиэ
Ол эрэн сүрэҕим аҥаарынан мэлдьи хаалаҕын
Этиэм этэ эйиэхэ, эн мин аналым буолаҕын

Припев
Эн мин олоҕум эн дьолум эн мин аналым буолаҕын
Эн мин олохпун салҕыырбар аартык аанын аһаҕын
Иккиэн бииргэ сиэттиһэммит олохпут ыллыгын устун
Өрүүтүн бииргэ буоламмыт,айанныы туруохпут

2 куплет
Соҕотох олороммун иннибэр сорук оҥостуом
Эн мин аналым буоларыҥ туһугар диэн суруйуом
Буолар түгэҥҥэр дьолбун туора тамнаталыам суоҕа
Биирдэ кэлбит сэгэрбэр тапталым күүһүрэ туруоҕа

Билигин сырсыам, кыһаллыам, сэниэлэрбин эһиэм
Кырдьан бараммын күлэ үөрэ олороммун саныам
Хайдах курдук түүнү супту толкуйдаан утуйбуппун
Хайдах кэрэ кыталык кыыс сүрэхпин аймаабыккын

Түннүкпэр олороммун суруйабын кырыатыгар
Эн ааккын кыһаммын,сурукпун сырдатан күн тыгар
Хаартыскаҕын көрөммүн тэйиччибиттэн хомойуу
Тиийиэхтээхпин диибин мэлдьитин санаабар хоргутуу

Таптал баарын билэммин дьоллоох киһиннэн аатырдым
Сүрэҕим тылларын тиһэн ырыа гынан суруйдум
Күүтэбин саҥаттан саҥа күн кэлэрин күннэтэ
Эн оргууйдук эппиэккэр үөрдүм дииргиттэн көһүтэ