Domenico Modugno - Io, mammeta e tu | Текст песни

• Тексты песен
• Domenico Modugno
• Io, mammeta e tu

Ti avevo detto,
dal primo appuntamento,
'e nun purta' nisciuno appriesso a te...
Invece mo nu frato,
na sora, na nepote...
sola nun staje na vota
ascimmo sempre a tre!
E mi hai promesso
"Domani chi lo sa...
vengo io soltanto...
soltanto con mamma'!"
Io, mammeta e tu...
passiammo pe' Tuledo,
nuje annanze e mammeta arreto...
Io mammeta e tu...
Sempre appriesso,
cose 'e pazze
chesta vene pure 'o viaggio 'e nozze...
Jamm'o cinema, o abballa'...
si cercammo 'e ce 'a squaglia',
comm'a nu carabbiniere
chella vene a ce afferra'... Ah... Ah...
ma, 'nnammurato,
so' rassignato
Non reagisco più...
Io, mammeta e tu!...
Io, mammeta e tu!...

Ma San Gennaro m'aveva fatto 'a grazia
ll'ata matina
nun ll'ha fatta aiza'
Teneva ll'uocchie 'e freve,
pareva ca schiattava,
io quase mme credevo
d'asci' sulo cu te...
Nu filo 'e voce,
pero', truvaje mamma'
"Da 'a piccerella
ve faccio accumpagna'..."
Io, soreta e tu...
Jamm'o bar 'o Chiatamone
"Vuo' 'o cuppetto o vuo' 'o spumone?"
"Chello ca costa 'e cchiu'!"
Pe' ricordo 'e 'sta jurnata,
dint'a villa, ce hanno fatt'a foto...
Vuo' 'o pallone, vuo' 'o babba'
nun se fida 'e cammena'...
guardo a essa, guardo 'o mare...
sto' penzanno 'e ce 'a mena'... Ah... Ah...
ma, 'nnammurato,
só rassignato
nun ve veco cchiu'...
Mammeta, soreta e tu...
Mammeta, soreta e tu..

Ammore mio, staje sempe cu 'e pariente...
chesta famiglia me pare na tribbu...
Arrivano 'a Milano, arrivano 'a ll'Oriente,
e tutta chesta gente
sta sempe attuorno a mme...
Na vecchia zia ca steva a Cefalù,
venuta ccau, nun se n'è ghita cchiuu...
Io, zieta e tu...
Poverina, è sofferente,
ogne tanto nu svenimento
Io, zieta e tu...
Il'uovo frisco, 'a muzzarella,
cammenammo sulo in carrozzella...
Sto' pavanno 'a cca e a là,
'e denare chi mm' 'e dda?
O te lasso o fra un mese,
sto cercanno 'a carità...
Ah ah ah...
tu m'm'he 'nguaiato,
me sposo un'ata,
nun ve veco cchiù...
Mammeta, soreta e tu!
Pateto, frateto e tu!
Nonneta, zieta e tu!
Pateto, frateto, nonneta, soreta,
soreta, zieta, zieta pateto
pateto, frateto, frateto, nonneta,
nonneta pateto... o cane...

Scusate giuvinao so so' 'a bisnonna...
So' turnata proprio mo' da' o' spitale...
Aaaaaaaaaaahhhhhhh!
iatevenne, iatevenne