Dominique Vellard - Natali Regis gloriae | Текст песни

• Тексты песен
• Dominique Vellard
• Natali Regis gloriae

1. Natali regis glorie
letatur celi curia
dampnatur dux perfidie
perit eius potencia

2. Tristatur hostis impius
gaudet genus mortalium
advenit dei filius
carnis sumens hospicium.

3. Sanavit quod perierat
carnis indutus pallio
ponendo quod induerat
nos traxit ab exilio.

4. Nos traxit ab exilio
nostri misertus hominis
crucis lavit suspendio
humanis labem criminis.

5. Subvenit mirabiliter
divina mundo pietas
diaboli subtiliter
illuditur dolositas.

6. Induta carne deitas
hamus sub esca latuit
et cor hostis capacitas
hamus mordentem tenuit.

7. O quanta mirabilia
quam felix matrimonium
Christo nubit ecclesia
celebratur convivium.

8. Celebratur convivium
superni regis filio
hoc predixere gaudium
prophete vaticinium.

9. Novo cantemus homini
novis induti vestibus
laudes canamus virgini
fugatis procul sordibus.

10. Quis umquam vidit talia
deus creator omnium,
o inenarrabilia,
venit hoc in exilium.

Dominique Vellard еще тексты