Doreen Patrick - Nts'ez'a dadzi buts'ilchun na'unezt'uk suli - Откуда у гагары белый обруч на шее (Сказка дакелх-кэрриер) | Текст песни

• Тексты песен
• Doreen Patrick
• Nts'ez'a dadzi buts'ilchun na'unezt'uk suli - Откуда у гагары белый обруч на шее (Сказка дакелх-кэрриер)

'Udak'ez da dune hoonyan chawhes'en, bu'at yula'ut'en hoh huna. Nts'oh hunai i'ih teh 'uk'aza hoonyan yutl'aidutih, k'aza latoh buzek be nainulhtsulh, dune hoonyan duyun ho 'ant'e. Nts'e khunai usyen whuz yubawheinitsih 'ink'ez hoonyan 'en k'aza yututsoh yilh'i. 'Ilhoh dzen whudzih dube nelhuk'o ghuhuni'az, \"K'aza nyuzek be bulatoh naownilhtsul,\" ni bu'at, 'ink'ez 'et nduja. 'Et whudzih yuzch'i k'aza beh, ndi whudzih dube buk'o yuka'uninzun k'eh buki hoonyan 'ink'ez chawhes'en taideznih, yun nabe'uyalhtsut 'ink'ez 'et 'uyulhni, \"Ka' ndunah hoonyan dzoh 'ututsoh, yughiyantso\". \"Gwa, 'ilhuz sich'i la 'ant'e\", ni dune hoonyan. Chawhes'en 'et whudzih dalhti nayoolhtelh, yuk'unanuta whe nilhdza wheneja, 'ink'ez bu'at yukunachaitit'il. Buki whu'iz wheinya 'et 'aow'et whudzih yawheindunint'az. Yaidat'as 'ink'ez yulht'es cha 'uyulh'en 'ink'ez yuyi. ndai chayiyil 'i ts'ut'onyaz yaidat'as 'ink'ez dughidile, wugi ka. Dune hoonyan 'et tinch'anesja 'ink'ez utso, 'ants'ih nts'oh hoh tunuya, 'et bunk'ut taba whuninya. Dadzi utso yuduzts'ai yuts'un ladinbi, et 'ahoolhyez ndut'en, ndan tintoh yahulhtukhubudits'ih teh. \"Dainja ho 'udini,\" dadzi 'utni, dune hoonyan yoodulhkut. Dune hoonyan 'en 'utni, \"Telhu'en, su'at 'un sutezno, chaowzes'en 'et duwa\". \"Soo whunilh'en nanyutelhtsilh\", ni dadzi. \" 'Anih, dez suts'un inyalh 'ink'ez 'unelts'ul 'ink'ez njan suts'uz toh nel'ai. Dune hoonyan 'et yuk'une'ust'en,'ink'ez dadzi bulh tehunelhoh. Bunk'ut nyan whuz tahanahunellhoh. \"Soo whunilh'en nasindli?' ni dadzi. \"Nye dzulh nilh'en, dunih dadzi. Dune hoonyan 'utni, \"Dostl'iyaz zeh whunulh'en, 'a ijut le'uhoont'oh\". \"Doochah 'odutneh\", ni dadzi. Doochah dadzi, hoonyan bulh tehunelhoh, nts'e so 'udechoo tehunelhoh 'et zeh tahanahunellhoh. \"K'an do soo whunilh'en?\" ni dadzi. \"A'ah, soo whunulh'en\", ni dune hoonyan, 'et tahanadeja. Dune yuchanalya k'eh dube hoont'i netsinidenla lhuyul 'i dadzi yughaininla 'ink'ez 'uyoo chah yuts'un wheyalhde. 'Et duwa dadzi buts'ilchun nalhuyul, 'ink'ez lhuyul but'a bughutdunindzai.

Doreen Patrick еще тексты