Douglas Kynoch - Fit-are-we-gaan-tae-dee? | Текст песни

• Тексты песен
• Douglas Kynoch
• Fit-are-we-gaan-tae-dee?

Fit-are-we-gaan-tae-dee,
Fin winter's here
An heat's ower dear
Tae keep up high?
Fit-are-we-gaan-tae-dee,
Fin you're ower aal
Tae staan the caal
An sae am I?
Naebody feels the caal as much as me!
Fit-are-we-gaan-tae-dee?

Fit-are-we-gaan-tae-dee,
Fin me an you
Are doon wi flu
An aff nae weel?
Fit-are-we-gaan-tae-dee,
Fin Doctor's sure
There's nae a cure
In ony peel?
Fit-dae-ye-bet we catch pneumonia tee?
Fit-are-we-gaan-tae-dee?

Fit-are-we-gaan-tae-dee,
Fin claes weer oot
An my best suit
Is fit for scruff?
Fit-are-we-gaan-tae-dee,
Fin doon the lum
Twaa burglars come
An steal wir stuff?
Somebody micht pit pyshen in wir tea!
Fit-are-we-gaan-tae-dee?

Fit-are-we-gaan-tae-dee,
If you an me
Collidit wi
A Mastrick bus?
Fit-are-we-gaan-tae-dee
The day we read
"North-east pair deid"
An aat pair's us?
Faar'U we fyn the undertaker's fee?
Fit-are-we-gaan-tae-dee?

Douglas Kynoch еще тексты