[DP] - ӔРХУНӔЙ МӔЛУН… (Скъодтати Э.) | Текст песни

• Тексты песен
• [DP]
• ӔРХУНӔЙ МӔЛУН… (Скъодтати Э.)

ӔРХУНӔЙ МӔЛУН…

Ӕрхунӕй мӕлун, - ци фӕддӕ?!
Мӕ фунӕй уинун дӕ фӕдтӕ.
Ци мин ӕй? - седзӕр мӕ уӕттӕ,
Цъилинӕй нӕмун къӕсӕр…
Игонӕй дарун и дуӕрттӕ,
Дӕ номӕй зарун мӕ сӕнтти,
Ковунӕй райдайун бӕнттӕ,
Кӕунӕй фӕууй ме зӕр.

Ӕдзинӕг кӕсун Евгъудмӕ…
Ӕзинӕй мӕмӕ фӕххудтӕ, -
Иснӕуӕг кодтай мӕ фудтӕ,
Исрӕуӕг кодтай мӕн дӕр.
Дӕ дзинӕй мӕбӕл ардуд дӕ,
Мӕ зинӕй дӕ кеми рцудтӕ,
Исӕцӕг кодтай рӕдудтӕ,
Ниссӕцӕг кодтай мӕнбӕл.

Нӕ мин бабухстӕ ӕнгъудмӕ,
Ку мӕ гъуддӕ – нӕ дӕ гъудтӕн!
Раевгъудтӕ, раевгъудтӕ, -
Мабал сонт кӕнӕ мӕ сӕр!..
Ци мин бамурхтӕ, ци муд дӕ?
Ци рӕсугъд дӕ, ци фӕлсугъд дӕ! –
Мӕн - дӕ фудтӕ, фал ӕвуд дӕ!
Цӕрунӕй мӕлун - хуӕздӕр…

Фӕббунӕй унцӕ мӕ фӕндтӕ,
Ӕрхунӕй мӕлун, - ци фӕддӕ?
Мӕ фунӕй уинун дӕ фӕдтӕ,
Ӕгӕр уарзун дӕ, ӕгӕр!
Нӕ мин ӕй зин дӕ ӕфхуӕрдӕ,
«Еминӕй» уӕддӕр дӕ зӕрди
Кӕмидӕр ке дӕн ӕвӕрди, -
Е мин бон кӕнуй ме зӕр.

© Скодтати Э.