Elfenthal (Maite Itoiz & John Kelly) - Imperayritz de la cuitat joyosa | Текст песни

• Тексты песен
• Elfenthal (Maite Itoiz & John Kelly)
• Imperayritz de la cuitat joyosa

Imperayritz de la ciudad ioyosa,
de paradís ab tot gaug eternal,
neta de crims, de virtuts habundosa,
mayres de Dieu per obra divinal.
Verges plasén ab fas angelical,
axí com sotz a Dieu molt graciosa,
plàcaus estar als fizels piadosa,
preyan per lor al rey celestial.

Rosa flagran de vera benenança,
fons de mercè iamays no defallen.
Palays d'onor on se fech l'aliança
de Dieu e d'om per nostra salvamén.
E fo ver Dieus e's hom perfetamén.
Ses defallir en alcuna substança.
E segons hom morí senes dubtança
e com ver Dieus levech del monimén.

Flor de les flor, dolça, clement et pia
l'angel de Dieu vesem tot corrocat
e par que Dieus l'amandat qu'ens alcia
d'on ell és prest ab l'estoch affilat;
Donchs placa-vos que'l sia comandat
qu'estoyg l'estoch e que remès nos sia
tot fallimén tro en lo presén dia,
ens done gaug e patz e sanitat.

Verges ses par misericordiosa,
de vós se tany qu'ens defenatz de mal
e no siats devas nos endenyosa
pels fallimentz que fem en general.
Mas qu'ens cubratz ab lo mantó real
de pietat pus qu'en etz cupiosa
car totz em faytz d'àvol pasta fangosa
per què'l fallir és de carn humanal.

Vexell de patz, corona d’esperança,
port de salut, bé segur de tot ven
vos merexets de tenir la balança
on és pesat bé dreytureramén.
E pesa mays vostre fill excel·lén
mort en la crotz per nostra deliurança
que'ls peccats d’om en fayt nen cobegança
Al bé fizel confès e penidén.

Estel de mar qui los perillans guia
e'ls fay venir a bona salvetat,
si Jesuchrist obeir no volia
ço que per vos li serà supplicat
mostratz-li'ls pitz d'on l'avetz alletat
et totz los santz ab la gran ierarchia
de paradís qui·us faran companya
tot quan volretz vos er ben autreyat.

Elfenthal (Maite Itoiz & John Kelly) еще тексты