Ensemble Perceval - Thibaut de NAVARRE. Seigneur, sachiez qui ore ne s'en ira (chanson de croisade) | Текст песни

• Тексты песен
• Ensemble Perceval
• Thibaut de NAVARRE. Seigneur, sachiez qui ore ne s'en ira (chanson de croisade)

Seigneurs, sachiez qui or ne s’en ira
En cele terre ou Dieu fut morz et vis
Et ki la croiz d’Outremer ne prendra
A paines mès ira en Paradis.
Qui a en soi pitié ne remembrance,
Au haut Seigneur doit querre sa venjance
Et délivrer sa terre et son païs.
Tuit li mauvais demorront par deça,
Qui n’aiment Dieu, bien ne honor ne pris ;
Et chascuns dit : « a fame, que fera ?
Je ne lairoie a nul fuer mes amis ».
Cil sont cheoit en trop fole atendance,
Qu’il n’est amis fors que Cil, sanz doutance,
Qui pour nos fut en la vraie croiz mis.
Or s’en iront cil vaillant bacheler
Qui aiment Dieu et l’honeur de ces mont,
Qui sagement vuelent a Dieu aller,
Et li morveus, li cendreus demorront ;
Aveugle sont, de ce ne dout je mie.
Qui un secors ne fet Dieu en sa vie,
Et por si peu pert la gloire du mond.

Dieu se laissa por noz en croiz pener
Et nos dira au jour ou tuit viendront :
« Vous qui ma croiz m’aidastes a porter,
Vos en ireiz la ou mi anges sont ;
La me veirriez et ma mere Marie,
Et vos par qui je n’eus onques aïe
Descendreiz tuit en Enfer le profond. »
Chascuns cuide demorer touz hetiez
Et que jamès ne doive mal avoir ;
Ainsi les tient Anemis et pechiez
Que s’il n’ont sens, hardement ne pouvoir,
Beaus sire Dieu, ostez leur tel pensee
Et nos metez en la vostre contree
Si saintement que nos puissions veoir !
Douce Dame, roïne coronee
Priez pour nos, vierge bone heüree !
Et puis après ne nos puet mescheoir.

Ensemble Perceval еще тексты