Erde - Der Wind [mit Sevast] | Текст песни

• Тексты песен
• Erde
• Der Wind [mit Sevast]

То не вецер раве-нарастае
І ламае галлё на дубах,
То асілкі дубы змятаюць,
Каб да сонца расчысціць шлях.
І пялёсткі гучаць трывожна,
Бо мінуўся спеў забыцця.
Казкі новыя, казкі грозныя,
Небывалыя казкі жыцця.

Вецер мацнее!

Што такое нянавісць у сэрцы,
Кроў, падкопы, людзі-багі
Перад простай ісцінай смерці,
Перад вечнай сцюжай магіл?!

І паўстанні, паўстанні бясконцыя,
І замучаных кроў на раллі,
І, нарэшце, шчасце і сонца,
Што сышло на нашы палі.

Вецер мацнее!

Вы, што маці душу забылі,
Без яе пажадалі пражыць,
Што вы варты без гэтай магілы,
Без каліны на роднай мяжы?
Без дубоў, што ў тумане млеюць,
Без расы на роднай траве?
Павяртайцеся! Вецер мацнее!
Мацi зноў праз стагоддзi заве!

Вецер мацнее!

Erde еще тексты