Eshnight - İsteyim sevmege | Текст песни

• Тексты песен
• Eshnight
• İsteyim sevmege

vk.com/ctmusic

Yıldızlar kökke çıqalar,
Tizilip yuqarığa.
Fenerler susıp baqalar –
Suqlanıp yıldızlarğa.
Yavaşlap adımlarını
Gecege kire şeer.
Yuqlata soqaqlarını,
Bağışlap tatlı tüşler.

Yağmurnı diñlep,
Hayalğa dalam.
Arzumda sennen
Sevgiden bahtlı olam.

Men isteyim sevmege,
Sırımnı saña açayım:
Men isteyim sen içün
Müim olmağa,
Seniñ olmağa.

Tañ ata ateş tüslernen,
Nur kibi kirpikleriñ.
Kün başlay esap bizlernen,
Çaldıra saatlerin.
Şeerniñ qaynaq ömrünen
Birlikte kete işim.
Lâkin ay bile gecenen,
Ne istey menim qalbim.

Yağmurnı diñlep,
Hayalğa dalam.
Arzumda sennen
Sevgiden bahtlı olam.vk.com/ctmusic

Eshnight еще тексты