Estampie - Moult Sui De Bonne Heure Nee [Гийом де Машо] | Текст песни

• Тексты песен
• Estampie
• Moult Sui De Bonne Heure Nee [Гийом де Машо]

Moult sui de bonne heure nee.
Quant je sui si bien amee
De mon doulz ami
Qu'il ha toute amour guerpi
Et son cuer a toutes vee
Pour l'amour de mi.

Si que bonne Amour graci
Cent mille fois, qui
M'a si tres bien assenee
Que j'aim la fleur et le tri
De ce monde cy.
Sans part et sans decevree.
Pour sa bonne renommee
Qu'est cent fois de tous loee
Plus que je ne di.
Qui mon cuer ha si ravi
Qu'onques mais enamouree
Fame ne fu sy.

Moult sui de bonne heure nee...

Moult sui de bonne heure nee...

Nos cuers en joye norry
Sont, si que soussi
Ne riens qui nous desagree
N'avons, pour ce que assevi
Sommes de mercy.
Qu'est souffisance appellee;
Un desir, une pensee.
Un cuer, une ame est entee
En nous, et aussi
De voloir sommes uni.
Onques plus douce assamblee.
Par ma foy, ne vy.

Moult sui de bonne heure nee...

Moult sui de bonne heure nee...

Nompourquant je me defri
Seulette et gemi
Souvent a face esplouree.
Quant lonteinne sui de li
Qu'ay tant enchiery
Que sans li riens ne m'agree.
Mais d'espoir sui confortee
Et tres bien asseuree
Que mettre en oubly
Ne me porroit par nul sy.
Dont ma joie est si doublee
Que tous maus oubly.

Moult sui de bonne heure nee...