Etker - Şĕr şyrli pişne cuh (a capella) | Текст песни

• Тексты песен
• Etker
• Şĕr şyrli pişne cuh (a capella)

Сĕр çĕр çырли пиçнĕ чух,
Сĕр çĕр çырли пиçнĕ чух
Çĕртен-шывран уйрăлтăн,
Çĕртен-шывран уйрăлтăн.

Хурăн çырли пиçнĕ чух,
Хурăн çырли пиçнĕ чух
Хурăнташран уйрăлтăн,
Хурăнташран уйрăлтăн.

Куккук илем сассипе,
Куккук илем сассипе
Сан сассуна илтес çук,
Сан сассуна илтес çук.

Чĕкеç килĕ чĕлхипе,
Чĕкеç килĕ чĕлхипе
Сан чĕлхÿне илтес çук,
Сан чĕлхÿне илтес çук.

Хула пекех кил-çуртна,
Хула пекех кил-çуртна
Ма пăрахса эс кайрăн,
Ма пăрахса эс кайрăн?

Ыр улпут пек мăшăрна,
Ыр улпут пек мăшăрна
Ма пăрахса эс кайрăн,
Ма пăрахса эс кайрăн?

Сар çĕçкĕ пек ачусене,
Сар çĕçкĕ пек ачусене
Ма пăрахса эс кайрăн,
Ма пăрахса эс кайрăн?

Нихăçан та нихçан та,
Нихăçан та нихçан та
Çĕрĕх çеçке çурас çук,
Çĕрĕх çеçке çурас çук.

Нихăçан та нихçан та,
Нихăçан та нихçан та
Эпир сана курас çук,
Эпир сана курас çук.