Ffarwel i Aberystwyth
Ffarwel i Ben maes glas
Ffarwel i dŵr y Castell
A hefyd Morfa glas
Ffarwel i Ben y parce
Ffarwel i Figure four
Ffarwel i'r ferch fach lana
Fu erioed yn agor dôr
Myfi sydd fachgen ifanc
Yn cario'r galon drom
Myfi sy'n gorfod myned
A thros y nawfed don
Pan elwyf dros y ddegfed
Ti elli ganu'n iach
Ni ddeuaf nol drachefen
I blwy Llanbadarn fach
Ffarwel fo i Lanrhystud
Lle bûm i llawer gwaith
Yn caru’n ol fy ffansi
Ond ofer fu y gwaith
Mi fuais i'n ei charu
Am bedwar mis ar ddeg
Cawn weithiau tywydd garw
Pryd arall dywydd teg
Ac weithiau cawn hi'n fodlon
I wrando'm cwyn a'm cri
Ond rhodd ei llaw i arall
A'm calon dorodd hi
Статистика страницы на pesni.guru ▼
Просмотров сегодня: 1