Franco Corelli - Eduardo Di Capua. I' te vurria vasà (Vincenzo Russo) | Текст песни

• Тексты песен
• Franco Corelli
• Eduardo Di Capua. I' te vurria vasà (Vincenzo Russo)

Ah! Che bell'aria fresca,
Ch'addore 'e malvarosa!
E tu durmenno staje
'Ncopp'a 'sti ffronne 'e rosa.

'O sole a poco a poco
Pe' 'stu ciardino sponta,
'O viento passa e vasa
'Stu ricciulillo 'nfronte.

I' te vurria vasà,
I' te vurria vasà,
Ma 'o core nun mm' 'o ddice
'E te scetà,
'E te scetà.
I' mme vurria addurmì,
I' mme vurria addurmì
Vicin'ô sciato tuojo
'N'ora pur'i',
'N'ora pur'i'.

Tu duorme, oje Rosa mia,
E duorme a suonno chino,
Mentr'io guardo, 'ncantato,
'Stu musso curallino.

E chesti ccarne fresche
E chesti ttrezze nere
Mme mettono 'int' 'o core
Mille male penziere.

I' te vurria vasà,
I' te vurria vasà...

Sento 'stu core tuojo
Ca sbatte comm'a ll'onne.
Durmenno, angelo mio,
Chisà tu a chi te suonne.

'A gelusia turmenta
'Stu core mio malato.
Te suonne a me? Dimmello!
O pure suonne a 'n'ato?

I' te vurria vasà,
I' te vurria vasà...