Ghjuvan Carlu Papi - Sicundaria | Текст песни

• Тексты песен
• Ghjuvan Carlu Papi
• Sicundaria

Ùn sò d’alcun’ paesu

Nè di nisun’ città

Ùn aghju ch’un arnesu

U soldu par cumprà



Sicura ùn ti cunnoscu

Nè ti voddu infattà

Mi sò cinta di foscu

Chè tù ùn possi passà



Ripiddu

A me vita hè cussì

Mi chjamu « Sicundaria »

Ùn ni circà parchì

Godu solu a to aria

Ùn ni circà parchì

Mi fermu senza dì

Ùn ni circà parchì

Voddu solu essa quì



Qualchi ghjornu d’istati

Mi poi induvinà

I me ochja sarrati

Volini prufittà



Eiu ùn n’aghju primura

Di la to sucietà

Piatta daret’à mura

Par ùn imbulighjà



Ripiddu



Mi piaci a to tarra

Di soli è di sunnià

Ma u soldu mi sarra

In u vend’è cumprà



È m’impremani soli

I muraddi à cuddà

U to mondu si mori

À mè chì mi pò fà ?



Ripiddu finali

A me vita hè cussì

Mi chjamu « Sicundaria »

Ti lasciu senza dì

A to lenza in Tavaria

Ti lasciu senza dì

Ùn ni circhà parchì

Ti lasciu senza dì

I to loca di quì

Ghjuvan Carlu Papi еще тексты