Giuseppe Di Stefano - Eduardo Di Capua. Maria, Marì (Vincenzo Russo) | Текст песни

• Тексты песен
• Giuseppe Di Stefano
• Eduardo Di Capua. Maria, Marì (Vincenzo Russo)

Arapete, fenesta,
Famme affaccià a Maria!
Ca stongo 'mmiez'â via
Speruto d' 'a vedè.

Nun trovo 'n'ora 'e pace.
'A notte 'a faccio juorno,
Sempe pe' stà cà attuorno,
Speranno 'e ce parlà.

Oje Marì, oje Marì,
Quanta suonno ca perdo pe' tte!
Famme addurmì
Abbracciato 'nu poco cu' tte!
Oje Marì, oje Marì,
Quanta suonno ca perdo pe' tte!
Famme addurmì,
Oje Marì, oje Marì!

'Mmiez'a 'stu ciardeniello
Nce ride 'a malvarosa.
'Nu lietto 'e ffronne 'e rosa
Aggio fatto pe' tte.

Viene, c' 'a notte è doce,
'O cielo ch'è 'nu manto!
Tu duorme e io te canto
'A nonna a fianco a te.

Oje Marì, oje Marì,
Quanta suonno ca perdo pe' tte!
Famme addurmì
Abbracciato 'nu poco cu' tte!
Oje Marì, oje Marì,
Quanta suonno ca perdo pe' tte!
Famme addurmì,
Oje Marì, oje Marì!

Pare che già s'arape
'Na senga 'e fenestella.
Maria cu 'a manella
'Nu segno a me mme fa.

Sona, chitarra mia,
Maria s'è scetata!
'Na scicca serenata
Facimmole sentì!

Oje Marì, oje Marì,
Quanta suonno ca perdo pe' tte!
Famme addurmì
Abbracciato 'nu poco cu' tte!
Oje Marì, oje Marì,
Quanta suonno ca perdo pe' tte!
Famme addurmì,
Oje Marì, oje Marì!

Giuseppe Di Stefano еще тексты