Gothic Voices - 01 - Richart de Semilli - Je chevauchai | Текст песни

• Тексты песен
• Gothic Voices
• 01 - Richart de Semilli - Je chevauchai

Je chevauchai l'autrier la matinee:
Deles un bois, asses pres de l'entree,
Gentil pastore truis.
Mes ne vi onques puis
Si plaine de deduis
Ne qui si bien m'agree.
Ma tres doucete suer,
Vos avez tout mon cuer,
Ne vous leroie a nul fuer;
M'amor vous ai donee.

Vers li me tres, si descendi a terre
Pour li vцer et por s'amor requerre.
Tout maintetenant li dis:
"Mon cuer ai en vos mis,
Si m'a vostre amor sorpris,
Plus vous aim que riens nee".
Ma tres doucete suer,
Vos avez tout mon cuer,
Ne vous leroie a nul fuer;
M'amor vous ai donee.

Ele me dist: "Sire, alez vostre voie!
Vez ci venir Robin qui j'atendoie,
Qui est bel et genz.
S'il venoit, sanz contens
N'en iriez pas, ce pens,
Tost avrпez mellee".
Ma tres doucete suer,
Vos avez tout mon cuer,
Ne vous leroie a nul fuer;
M'amor vous ai donee.

"Il ne vendra, bele suer, oncor mie,
Il est dela le bois ou il chevrie."
Dejoste li m'assis,
Mes braz au col li mis;
Ele m'a getй un ris
Et dit qu'ele ert tuee.
Ma tres doucete suer,
Vos avez tout mon cuer,
Ne vous leroie a nul fuer;
M'amor vous ai donee.

Quant j'oi tout fet de li quanq'il m'agree,
Je la besai, a Dieu l'ai conmandee.
Puis dist, qu'en l'ot mult haut,
Robin qui l'en assaut:
"Dehez ait qui en chaut!
З'a fet ta demoree".
Ma tres doucete suer,
Vos avez tout mon cuer,
Ne vous leroie a nul fuer;
M'amor vous ai donee.