Gothic Voices - In Natali Novi Regis | Текст песни

• Тексты песен
• Gothic Voices
• In Natali Novi Regis

In natali novi regis
quisquis cantas sive legis
omni gaude gaudio,
castitatis nam de domo
prodit Deus factus homo
mundi pro remedio.
Casta natum de puella
novum regem nova stella
novo monstrat radio.
Vindicati qua Caldei
cunas querunt nati Dei,
magno desiderio.

Prophetia Danielis
promissumque Gabrielis
complentur in virgine.
Lapis ille preelectus
monte sine manu sectus
mons crevit in homine.

Ad hunc ergo montem magnum,
detrectando mundi stagnum,
mortisque periculum
velum mentis transportemus
et securi navigemus
lenitum naviculum.

Sed lecturus de hoc monte
leto corde, leta fronte,
librum, lector, accipe;
mentis cum devotione,
data benedictione,
lectionem incipe.

Gothic Voices еще тексты