Gothic Voices (Philippe de Vitry) - Vos quid admiramini; Gratissima virginis species | Текст песни

• Тексты песен
• Gothic Voices (Philippe de Vitry)
• Vos quid admiramini; Gratissima virginis species

Text
TRIPLUM
Vos, quid admiramini.
virgines, si virgini
pre ceteris eligende
dignati fuerimus
nubere? dum nupsimus
tamquam valde diligende:

Ista pulcra spetie.
humilis manerie
ac opere virtuosa;
turpis vestrum altera.
ausu numis aspera.
necnon virtutes exosa.

Ista lux, vos nubila
ista velox aquila.
vos, colubres gradientes!
Ista super ethera
regnat, vos in misera
valle languetis egentes.

Ista virgo regia
dulcis est amasia.
mea sponsaque pia;
rex ego sum, hec regina!
Quid tanta referimus? -
nos qui cuncta novimus
dignam preelegimus
et ut rosam hanc pre spina.

Surgite vos igitur
(quia tempus labitur
et mors nos persequitur) -
huic servite, hanc vocate!
quod si neglixeritis.
illam non videbitis
gloriam quam cupitis.
vos eya properate!

MOTETUS
"Gratissima virginis species.
quam decorat carnis mundicies.
usque centrum placasti intima
mei cordis plaga dulcissima."

"Intra stillans amoris spiritum
nescientem pectoris exitum.
gratissime, simili vulnere
peperisti mundum me ledere."

"O regina, tuum amplectere
astringendo pectus cum ubere
(........................)."

"O rex regum, oculum oculo
et os ori iunge pro osculo.
ac inspira verbum in labia
quo recepto fiat caro dia."