Gothic Voices - Quant Voi la Fleur Nouvele (пастурелла) | Текст песни

• Тексты песен
• Gothic Voices
• Quant Voi la Fleur Nouvele (пастурелла)

Quant voi la fleur nouvele
Paroir en la praele
Et j'oi la fontenele
Bruire seur la gravele
Lors mi tient amour nouvele
Dont ja ne garai.
Se cist maus ne m'asoage
Bien sai qu'en morai.

Je sui sade et brunette
Et jone pucelete
S'ai coleur vermeilete,
Euz verz, bele bouchete;
Si me point la mamelete
Que n'i puis durer.
Reson est que m'entremete
Des dous maus d'amer.

Certes, se je trouvoie,
Qui m'en maist en voie
Volentiers amerois;
Ja por nul nel leroie.
Car bien ai oi retrere
Et poi vor conter.
Que nus n'a parfete joie
S'el ne vient d'amer.

Vers la tose m'avance
Por oir s'acointance
Je la vi bele et blance
De sinple contenance.
Ne mist pas en oubliance
Ce que je li dis.
Maintenant, sanz demorance,
S'amor li requis.

Pris la par la main nue
Mis la seur l'erbe dure
Ele s'escrie et jure
Que de mon gieu n'a cure:
"Ostez vostre lecheure!
Dex la puinst honir!
Car tant est asprete et dure
Ne la punis souffrir"